တနယ္တေက်း

ကောင်းကင်ကို မော့ကြည့်တော့
ကြယ်တွေက တစ်ညလုံးမတိတ်တဲ့ အသံ
ခြေခင်းလက်ခင်းမသာယာ
ကြယ်တွေမှာနောက်ထပ်ဘဝရှိနိုင်သလား
တွေးတယ်….
ရေတံခွန်ကို ဘယ်လိုမီးညှိရမလဲ
ပြတင်းပေါက်က ဖျတ်ကနဲအရိပ်ကလေးရယ်
စီးကရက်တွေသာ တစ်လိပ်ပြီးတစ်လိပ်
မီးခိုးငွေ့တွေသာ စိတ်နာလက်နာ
ညစဉ်ညတိုင်း ၊ တစ်ကိုယ်တည်း
အိပ်မက်တွေက အိပ်မက်ထဲထိ မက်နေဆဲ
စိတ်ဖြေစရာ၊ ဂီတမရှိ
ရယ်သံမောသံ၊ အနုပညာ၊ မိုးတိမ်များလည်းမရှိ
ကိုယ့်ရင်ဘတ်ကိုယ် ရိတ်သိမ်းမယ့်မိုးနှယ်
ငါ့စိတ်ကိုခိုးယူသွားရာ
မြို့ ပြများလည်း အဆန်းတကြယ်
ငါယဉ်ကျေးခဲ့ရာ လရောင်ပြာလည်း
ငါ့ဆီ ဖြတ်ပိုင်းပြန်မလာတော့
တကယ်ဆို….
ငါတို့နှစ်ယောက်ဟာ နှလုံးသားချင်းဆက်အမြွှာ
သံသရာမှာ သေရာပါခဲ့ပုံ။ ။

ဘုန်းနေသွန်း
၂၀၀၄

တောင်ပေါ်မြို့ သားကဗျာဆရာ၊ ကဗျာအနုပညာချစ်မက်စိတ်နဲ့ ရင်ခုန်သံ၃၆၀၀

အလွမ်း

မကျန်းမာတော့မှ
ကျန်းမာရေးရဲ့ တန်ဖိုးကို ပိုနားလည်သလိုမျိုး
မပြည့်စုံတော့မှ
ပြည့်စုံခြင်ရဲ့ အဓိပ္ပါယ်ကို ပိုသဘောပေါက်သလိုမျိုး
မမြင်၇တော့မှ
သူ့မျက်နှာလေးကို ပိုမြင်ချင်နေမိတယ်
ညနက်လေ ပိုလင်းလေလား
အမှောင်ရဲ့
ဖိအားမှာ
အေ၇ာင်ပိုထွက်နေသောကြယ်တွေ ။ ။
နွယ်စိမ်းဝေ
အင်တာနေ၇ှင်နယ် မဂ္ဂဇင်း။ မတ်လ ၂၀၀၉

ပါပီလွန်

သမုဒ္ဒရာကြီးထဲမှာ
မပြောပလောက်တဲ့ ကျွန်းကလေးတစ်ကျွန်း
အဲဒီ ကျွန်းကလေးတစ်ကျွန်းပေါ်မှာ
အပ်ဖျားတစ်ထောက်စာ အစက်ကလေးတစ်စက်
အဲဒီအစက်လေးထဲမှာတော့
စကြ၀ဠာထက်ကြီးတဲ့
အလျှံရဲရဲ လွတ်မြောက်လိုစိတ်တွေ။ ။
နွယ်စိမ်းဝေ
နွယ်နီမဂ္ဂဇင်း

ထင်းရှူးပင်၊ အေးမြမှုတွေနဲ့ ဆောင်းမနက်ခင်းတွေကို ဝိုင်ပုလင်းထဲ ထိုးသိပ်ထည့်ထားတဲ့ တောင်ပေါ်မြို့ လေးက ကဗျာဆရာ ကိုနွယ်စိမ်းဝေကို ခေတ်ပေါ်ကဗျာကို ချစ်မက်တဲ့သူတိုင်း သိကြမှာပါ။ ခုကိုနွယ်စိမ်းဝေက သူ့ရဲ့  ကဗျာတွေကို ဘလော့ခ်လေးတစ်ခုလုပ်ပြီး တင်ထားပါတယ်။
အဲဒီတောင်ပေါ်မြို့ သားကဗျာဆရာရဲ့  ခေတ်ပေါ်ကဗျာများကို http://www.nweseinwai.wordpress.com မှာ ဝင်ရောက်ဖတ်ရှုနိုင်ပါကြောင်း။

အဝေးဆီက မြို့ 

ဟေ့…
အနောက်ကောင်းကင်က နှင်းဆီနီတစ်စင်း
ဘယ်သူ မြားနဲ့ခွင်းလိုက်သလဲ
အသွားထက်ထက် အမှောင်တွေနဲ့
ဆည်းဆာဖြူလျော့
အလင်းသွေးဖျော့ခဲ့ပြီ။

သိုက်တန်းပြန်ငှက်တစ်သင်း
တောင်ပံသံပြင်းပြင်းတွေ ကြားရပြီ
ခဏကြာရင်
ညရိုင်းလွင်ပြင်မှာ
ကြယ်လင်းပြောက်တွေ သီးထ
လ,လင်းည ဖွဲ့တည်လာတော့မယ်
အိမ်ပြန်ချင်တယ်ကွယ်….။

မွေးရပ်မြေဟာ
အဝေးက လူအတွက် နွေးထွေးမှုပိုတယ်တဲ့
နွယ်ရိပ်သစ်ရိပ်နဲ့
မွေးညင်းနုစိမ်း မြို့ ကလေး
ကာလတံတိုင်း ဖြတ်ခြားလည်း
လွမ်းခိုးဝေ့အုံ့ဆဲ….။

ငါ့ရဲ့  မြို့ ငယ်လေးရယ်…
လွတ်လပ်လင်းမြ လူငယ်ညတွေနဲ့
လူငယ်ဘဝတစ်ခုရယ်
မာဃလမ်းရဲ့ လက်ဖျံပေါ်က
ခေါင်းလောင်းသံ ချိုရှ
အဖြူအစိမ်း ယိမ်းကတဲ့ စာသင်ကျောင်းငယ်လေးရယ်
ပြီးတော့
တန်းခွဲ (စီ)က
ရင်ခွင်ဦး….သူ….
စံပယ်ဆွတ်ဖြူတစ်ပွင့်ရယ်…
ငါသတိရတယ်ကွယ်။

ဒါပေမယ့်
သတိရခြင်းတွေနဲ့
ပစ္စုပ္ပန်မျဉ်းရဲ့  ဟိုမှာဘက်မှာ
ရင်ခုန်မွန်းနစ်
အ်ိပ်မက်သစ်မမက်ဖြစ်သူ
သင်းကွဲတေးတစ်ပုဒ်သာ
နရီပျက် …
ကွဲအက်ပဲ့တင်။

အရိုင်းဆန်
ကန်းထရီးဟန်နဲ့
ကျေးလက်ရောင်ကောင်းကင်အောက်က
ရင်ခုန်အလင်းပြပြမြို့ ကလေး
ငါ… အသေချာဆုံး ဝေဖန်ရိုးသားချင်ရဲ့ 
ခွဲခွာခြင်းသင့်
လွင့်ဝေးခဲ့ရပေမယ့်
စုတ်ချက်ရင့်ကြမ်း
အင်ပရက်ရှင်းနစ်လွှမ်းတဲ့
သင့်ရင်အုံဆီမှာ
ရင်လွမ်းပရိုင်းမိတ် တချို့ နဲ့
ဝေးချင်းရှည်တစ်ပုဒ်
ကြေကွဲနစ်မြုတ်ခဲ့ပြီ။ ။

ဘုန်းနေသွန်း
၂၀၀၂