အချစ်ဆိုတာ

ကမ္ဘာဦးကတည်းက ရုံပြည့်ခဲ့တဲ့ရုပ်ရှင်ပဲ

မင်းအသံထွက်နဲ့ငါ

မင်းမျက်ဝန်းတွေထဲ

ငါ့မျက်ဝန်းတွေ စိုက်ကြည့်မိတဲ့အခါ

မင်းဆံနွယ်တွေကို တိတ်တိတ်ခိုးခိုးငေးကြည့်မိတဲ့အခါ

မချည်ပဲတင်းတဲ့ကြိုးဟာ ဘယ်ရင်ကလဲ

ငါက

ပွဲပြီးပေမယ့် မီးမသေခဲ့တဲ့ကောင်ပါ ဖြူဖြူဇော်ရယ်

လူအဖြစ်မှာ ငါတို့ဆုတောင်းမှားကြတယ်

ကံသုံးပါးနဲ့ ချစ်ခဲ့သမျှ

မင်းလေးရဲ့ ဥပေက္ခာ

စွယ်တော်ရွက်လို တူနှစ်ကိုယ်ဘဝလေး ခြေဦးတည့်ရာ

တစ်သက်စာ

ကိုယ့်ဒဏ်ရာကိုယ် ကြိုးညှိတဲ့အခါတိုင်း

ကြယ်တွေဟာ မင်းဖြစ်သွားတော့တယ်။     ။


ဘုန်းနေသွန်း

သရဖူမဂ္ဂဇင်း၊ ၂၀၀၅


<span

Advertisements