နှလုံးသားရှိတဲ့ ရယ်သံနှစ်ခု
စမ်းချောင်းနုနုလေးထဲ အတူတကွစီးဆင်းခဲ့ကြတယ်
ပန်းပွင့်၊ သစ်ရွက်၊ ချိုအီငှက်သံ
တစ်ခါတရံ
ကိုင်းခတ်ကျောက်စွန်း လူးလွန့်တွန်းတိုက်လို့
တစ်စုံတစ်ရာကို သတိရလိုက်ဖို့ရာ
မေ့လျော့နေဆဲ
ရုတ်တရက်
တဝေါဝေါ
ရေတံခွန်တစ်ခုဟာ ဘွားခနဲ
. . . . . . . . . . .
တကွဲတပြားလွင့်စင်လိမ့်ကျသွား
တစ်ယောက်ရယ်သံ တစ်ယောက်မကြားရတော့ဘူး။ ။
မင်းစိုးရာ
သရဖူ မဂ္ဂဇင်း ၊ ဇွန် ၊၂၀၀၆
မအောင်မြင်တဲ့ မြေကြီးမှာမှ
မျိုးစေ့အမှန်ကိုပျိုးမိတယ်
ငါဟာ အရူးအနှမ်း
အနမ်းတစ်ခြမ်းလုံးကြွေတာတောင်
မွှေးတုန်း လှတုန်း
မြတ်နိုးမှုကို တစ်စစီပုံထားတုန်း။
ပေါ့ဆတတ်တဲ့ ချစ်ခြင်းအမှားက
ကိုယ့်အပျက်ကို သံသယနဲ့မျှားခဲ့
ခြေသံလုံလုံ ဖောက်ဖျက်မှုရဲ့ နောက်ကွယ်မှာ
မင်းကမ်းလိုက်တဲ့ဓား
အသွားငါ့ဖက်
တစ်ဘဝလုံးညွှတ်နေအောင် ချစ်ခဲ့အကိုင်းအခက်
အခု ခုတ်ဖြတ်ခံလိုက်ရတယ်။
ဒီမှာ မျက်ရည်ရဲ့ ရနံ့သာ အသက်ရှူဝခဲ့ပေါ့
ဟော့ဒီ မနာကျည်းရက်တဲ့ ရိုးမြေကျဝေဒနာ
အချစ်ဟာ မူးယစ်ဆေးတစ်မျိုးသာဖြစ်ခဲ့တယ် ။
အကြည့်ဝေ့လည်လွန်းသူလေးရယ် . . .
အရေပြားကို ဖောက်ဝင်သွားတဲ့ကျည်ဆံထက်
နှလုံးသားကို စိုက်ချလိုက်တဲ့ အလွဲသုံးစားမှုကပြင်းရှလွန်းခဲ့
သစ္စာမဲ့သူ နာတာလီအတွက်နဲ့
ပုရ်ှကင်ဟာ
သေနတ်ချင်း ယှဉ်ပစ်ခဲ့ပေါ့ ။ ။
မင်းစိုးရာ
စရဏ မဂ္ဂဇင်း ၊ ၂၀၀၇
ရေတွင်းထဲကျနေတဲ့ လမင်းကို
မျှော်လင့်ခြင်းနဲ့ ဆယ်ယူခဲ့ရသောပျော်ရွှင်မှု
အခု . . .မင်းက
စက်ရုပ်ကို နှလုံးသားအစစ်ထည့်ပေးလိုက်ပြီ
အရွယ်ငယ်ငယ် စိတ်ထားလေးတင့်တယ်သော
ကိုယ့်ညီမလေး ငယ် . . .
မျက်လုံးတွေဖွင့်ထားလည်း
ကန်းနေဆဲအမှောင်
ခွေးတစ်ကောင် ချောင်ပိတ်အရိုက်ခံရသလို
တကယ့်ဘဝကို ငါပြန်ကိုက်ခဲ့ပေါ့
ထိုးကျနေတဲ့ ငါ့အရိပ်ကို မင်းစိတ်နဲ့ဖဲ့ယူခဲ့ရ
စစ်မြေပြင်
ငါ့ကြောင့်ဖြစ်တဲ့ ပျော်ရွှင်မှုကို
ငါ့ကြောင့်ဖြစ်တဲ့ ဝမ်းနည်းမှုနဲ့
ဘယ်တုန်းကမှ မချေပခဲ့သူ
ခက်ခဲထစ်အ တိပ်သားတစ်စ
ငါ့ဘဝနဲ့ ထပ်တူစီးမယ့်မြစ်တစ်စင်း
ငါ့ဆင်းရဲခြင်းကို မင်းကပန်းလိုပန်ခဲ့တော့
မင့်မျက်ရည်ကို
သစ္စာလို ငါစောင့်သိရိုသေတတ်ခဲ့ပြီ ။ ။
မင်းစိုးရာ
ငါ့ရင်ထဲက စံပယ်ရုံလေးမို့
အလှပြင်ပေးဖို့လိုဦးမှာလား
မြတ်နိုးမိတဲ့စိတ်မှာ
“မင်း . . .
ဆံပင်တွေဘာလို့ဖြတ်ပစ်ရတာလဲကွယ် ”
ကလေးလေး
မင်းအရိပ်လေးငေးမိရုံနဲ့
ငါ့အတွေးတွေ အကုန်ယူသွားတတ်သူ
ယုံကြည်မှုဟာ မင်းခြေလှမ်း
မင်းလမ်းလေးအပါ် ဖြန့်ခင်းလဲလျောင်းပေးလိုက်စရာ
ငါ့မေတ္တာတရားသာစိမ်းခဲ့
ငါ့ကိ်ုယ်ငါ ရုတ်သိမ်းလို့မရနိုင်။
မင်းအတွေးနဲ့ဝေးဝေးမှာ
ငါက လွမ်းဖျားလွမ်းနာကျ
မင်းဘ၀လေးထဲ အရောက်လာမယ့် ငါ့ခြေလှမ်းလည်း
ပုံလျှက်သားလဲပြိုကျပေါ့ 
ရှင်သန်ခြင်းဟာ ချိုမြိန်မှုမှမဟုတ်တာကွယ်
ခုချိန် ညီမလေးရဲ့  အိပ်စက်ခြင်းအပေါ်
လေညင်းလေးတစ်စ ဖြာကျရုံပဲဖြစ်ဖြစ်
ငါ့မေတ္တာ နင်ရစေချင်တယ်။
ကိုယ့်ညီမလေး မေစု ရေ . . .
စကြဝဠာ အပြင်ဘက်ဆိုရင်လည်း ထွက်စောင့်ရုံပေါ့
အခုတော့
ရှက်စိတ်ကလေး နှုတ်ခမ်းမှာ ကိုက်ထားရုံ
လွယ်အိတ်အညိုလေး ရင်ခွင်ပိုက်ထားရုံ
အနမ်းနဲ့မထိခတ်ရသေးတဲ့
မင်းဆံနွယ်တစ်ကမ်းစာ အလွမ်း
ငါ့ မှာအငေးအမောနဲ့ သွယ်တန်းရတယ်။
ညီမလေးရယ် . . .
ငါကဘဝနောက်ပြေးလိုက်ရတဲ့သူ
ငါလဲရင် ငါ့ဘာသာထူရတယ်
လောကဓံကို မျက်ရည်ခံထိုးဖို့အတွက်နဲ့
တူနှစ်ကိုယ် တဲအိုပျက်လေး
ငါတို့တွေ ဘယ်လိုဘယ်ပုံဝေးရမယ် . . .
သြော် . . .ဘယ်လိုဘယ်ပုံဝေးကြမယ် . . .။ ။
မင်းစိုးရာ
သရဖူ မဂ္ဂဇင်း ၊၂၀၀၅
ကိုယ့်လက်ဖ၀ါးဖြန့်လိုက်တိုင်း
မင်းလက်ဖ၀ါးလေးလာတင်ပေးတတ်တာ အချစ်ဆိုရင်
အဲဒီအဖြစ်အပျက်အပေါင်းများစွာအတွက်
အကြိမ်ပေါင်းများစွာ ခက်ခဲနေရဦးမှာကလည်း ဘ၀ပေါ့
င၀န်မြစ်ရေပြင်ပေါ် အရိပ်တို့ရှည်လျားပျော်ဝင်ချိန်
စက်လှေဝမ်းထဲ ရွဲ့ စောင်းစောင်းထီးလေးတစ်လက်ဟာ
မင့်အသက်ဓာတ်ထဲကမေတ္တာဆိုရင်
ကျိုက်ဝိုင်းမှတ်တိုင်မှာ
လမ်းကိုသိစိတ်မဲ့ အခါခါဖြတ်ကူးနေတာ ကိုယ့်အချစ်ပါပဲ။
မင်းဆံပင်တွေဖြတ်ပစ်လိုက်တာ
ကိုယ့်ကိုသံယောဇဉ်ဖြတ်တာမဟုတ်မှန်းသိတယ်
တစ်ခါတလေ
ကိုယ်က မီးတောက်ကိုငေးရီအားကျမိတဲ့သစ်ရွက်ခြောက်
ဆင်းရဲသလောက်အစွဲအလမ်းကြီးခဲ့ဖူးတယ်။
မင်းမျက်ရည်နဲ့ ကိုယ့်သစ္စာတရား
အသွေးအသားလိုပေါင်းစပ်ထားတယ်
ပစ္စုပ္ပန်အမှောင်တွေကြားထဲလည်း
ကိုယ့်အလွမ်းစိတ်ကလေး ထွန်းညှိထားပါတယ်။
ပျော်ရွှင်ကြည်နူးစရာကြုံတဲ့အခါ
လေညင်းလေးတိုက်သလိုစကားပြောပြီး
သစ်ရွက်ကလေးတွေလှုပ်ခတ်သလို ရယ်မောပါ
ဝမ်းနည်းနာကျင်စရာဆိုရင်လည်း
မင်းနှစ်သက်တဲ့ ချောကလက်လို
အင်အားနဲ့ထွေးဖက်ပါ
မင်းကသဘာဝတရားရဲ့  အရောင်တူပန်းပွင့်
ကိုယ်ကမြေကြီးနဲ့နီးစပ်တဲ့သစ်ရွက်
ငှက်ကလေးလိုပျံသန်းနေမှာ. . .
ဒါ ကိုယ်တို့မေတ္တာ ကိုယ်တို့ကမ္ဘာ
ဆုပ်လို့ပဲ စူးခဲ့စူးခဲ့
စားလို့ပဲ ရူးခဲ့ရူးခဲ့။ ။
မင်းစိုးရာ
ပိုလျှံနေတဲ့ ၀ါကျတွေကို လိုနေတဲ့ပါဒတွေအတွက်ဖြည့်စွက်လိုက်တယ်
အောင်ပိုင်စိုး
အချိန်တိုင်း
မင်းသတင်းလေး ငါနားစွင့်တယ်
သံလမ်းနှစ်ခုမဆုံနိုင်ခြင်းက ငါတို့ဘ၀လား
ငါ့အသွေးအသားထဲ အမြဲရောက်တယ်
မင်းအကြောင်းလေး
ငါဆိုတဲ့သီချင်းက သတိရခြင်းလား
သွေးထဲ
အ၀ါရောင်တွေသာ အစုန်အဆန်
အထီးကျန်ခြင်းဟာ တောလုံးညံလို့
မျက်ညိုဝန်း ၊ ဆံပင်ရှည်ရှည် ၊ နှစ်ယောက်ညနေ ….မေ့မရနိုင် …..
သူ့ရဲ့တောင်စွယ်မှာ နေကွယ်ခဲ့ပြီလား
ဘယ်ဆီဘယ်ဝယ်
အလွမ်းမှာ ဘယ်ခါအိုရမယ်
သြော်….
အလွမ်းမှာ ဘယ်ခါငိုရမယ်။ ။
ဘုန်းနေသွန်း
၂၀၀၄
အရာရာ
နင့်ဖက်က အမှတ်တမဲ့ဆိုပေမယ့်
ငါ့စစ်မျက်နှာမှာ အမှတ်တရပေါ့
ငါပိုင်ဆိုင်ရာ
ငါ့နိုင်ငံတော်လည်း ပြိုလဲခဲ့ပြီ
ငါ့သစ္စာတရားလည်း…သွေးစိမ်းရှင်ရှင်
မိသခင်မခြေတော်ရင်းမှာ ဒူးထောက်နာကျင်ခဲ့ပြီ
ငါ့မြို့ဟောင်းနံရံမှာ
ငါ့နှလုံးသွေးဆေးရေးလည်း နီမြန်းခြောက်သွေ့ခဲ့ပါပြီ
တကယ်ဆို…ဥပေက္ခာကို
ရင်ချပ်လွှာပုဝါပါး ဆင်မြန်းတောက်ပတဲ့ အချစ်နတ်ဘုရားဟာ
မိမာယာရှင်
မိကဝေမ ‘ နင် ‘ ဖြစ်ပါတယ်
နှင်းရယ်…
ငါ့ရဲ့ဆောင်းလည်းတစစီပြိုကွဲလုပေါ့
မျက်ရည်ငှက်ကလေးလည်း
ဘယ်ဆီဘယ်ဝယ်
ပျံသန်းပျောက်ကွယ်လုပေါ့။ ။
ဘုန်းနေသွန်း
တင်ပြီးသားကဗျာပါ…ကဗျာအသစ်မရှိလို့ နောက်တစ်ခေါက်ပြန်တင်လိုက်တာပါ…ဘလော့ခ်ရဲ့ title ကဗျာပါ…။
ညတာရှည်တဲ့ညတွေတိုင်း
မင်းရယ်သံလေးကြားရတာကိုက
ငါ့အဓိပ္ပါယ်
အရောင်ပျက်နေတဲ့ကြယ်ကလေးကအစ
မင်းဆံနွယ်တွေထဲ မလွတ်မြောက်နိုင်
မျက်ညိုဝန်းကလေး
မှော်ရုံတစ်ခုစာ အလွမ်းတွေပေးခဲ့လေတယ်
ကြာပွင့်တွေကြားမှာ နွံဟာရှင်သန်ပါ့မလား
ဇာတ်လမ်းက
သံသရာလို အဆုံးမသတ်နိုင်
မျက်ဝန်းတစ်ခုရဲ့အလျား….
ဘယ်လိုမျက်ရည်နဲ့ တိုင်းရမလဲ
သည်မှာ ၊ မင်းအကြောင်းတွေးပြီး ကမ္ဘာတည်မယ်
မင်းအကြောင်းရေးပြီး သေရာပါမယ်
အရင် နှစ်ယောက်လမ်းဟောင်းလေးပေါ်
ခု၊ ငါတစ်ယောက်တည်းလျှောက်လို့
အလွမ်းရယ်….
ရင်ခွင်တစ်ခုလုံး မဆန့်တော့
ကျင်လည်ရာအဆက်ဆက် ဆွေးရလေတယ်။ ။
ဘုန်းနေသွန်း
၂၀၀၅ ၊ ဖေဖော်ဝါရီ
ကိုယ့်စိတ်ကိုယ်မြဲအောင်ရှုတော့
မင်းရယ်သံလေးကြားရတယ်
အလွမ်းက
တောမီးလို ပျံ့နှံ့လို့
သစ်ကိုင်းမှာ ငြိနေတဲ့ လရောင်လေးကအစ
သံသရာအဆက်ဆက်မစိမ်းလန်းနိုင်
ဘာကြောင့်များတို့ဝေးခဲ့ရသလဲ
သတိတရစိတ်က ရိုင်းစိုင်းလွန်းတယ်
ညည ၊ ကဗျာရေးလို့မရတဲ့အခါ
မင်းနာမည်လေး တဖွဖွရွတ်ဆိုမိတယ်
အပြင်မှာ သစ်ရွက်တွေက တစ်ငွေ့ငွေ့ ပဲ့ကျလို့
နှစ်ယောက်အိပ်မက်တွေ
အလင်းနှစ်သန်းပေါင်းများစွာ ခြားနားလို့
မင်းနဲ့အဝေးမှာ ငါ့နှလုံးသားရှိမယ်
အိမ်ကိုလည်းမလာဘူး
လမ်းမှာတွေ့လည်း မခေါ်ဘူး
မျက်ညိုဝန်းကလေး
ကြယ်ကြွေတိုင်း ၊ ငါဟာဆုတောင်းမှားခဲ့လေတယ်။ ။
ဘုန်းနေသွန်း
၂၀၀၅
မောင်ဘုန်း
လောလောလတ်လတ် ဝေဖန်စကားများ